About Project

သာသနာ့မာမကကျောင်းသည် ကျောင်းသားပေါင်း ၅၃၆ဦးရှိပြီး မူလတန်းလွန်ကျောင်း တစ်ကျောင်းဖြစ်ပါသည်။ ဆရာတော်၏စိတ်ကူးသည် ၄ထပ်စာသင်ကျောင်းတစ်ကျောင်း ဆောက်လုပ်၍ ပထမထပ်မှ တတိယထပ်ထိ အခန်း ၁၅ခန်းတွင် စာသင်ကြားကာ  စတုတ္ထထပ်တွင် ဘုရားရှိခိုးဆောင် အဖြစ်ထားရှိပြီး အထပ်တိုင်း အိမ်သာခန်းများလည်း ပါရှိမည်ဖြစ်ပါသည်။ ထို ၄ထပ်ဆောင်၏ ပထမထပ် အတွက်သာ အလှူရှင်ရှိပြီး ပြတင်းပေါက်နှင့် လျှပ်စစ်မီးများအတွက် အလှူရှင်မရရှိသေးသည်ကို တွေ့ရှိခဲ့ရသည်။ ကျောင်းဆောင် အခက်အခဲကြောင့် ထိုမပြီးသေးသောအထပ်တွင် ကျောင်းသားလေးတချို့ စာသင်ကြားနေသည်ကို တွေ့ရှိခဲ့ရသည်။ ကျန်ကလေးများမှာ ယာယီဆောင်နှင့် ဘုရားရှိခိုးဆောင်များတွင် စာသင်ကြား နေရသည်ကိုတွေ့ရပါသည်။ ကျောင်းအုပ်ဆရာတော်သည် ကလေးများအတွက် ဇွဲကောင်းကောင်းနှင့် ကြိုးစားပြီး လုပ်ဆောင်နေသည်ကို တွေ့ရှိရသောကြောင့် ထို၄ထပ်ဆောင် ဆောက်လုပ်ပြီးစီးနိုင်ရန်အတွက် လှူဒါန်းခဲ့ပါသည်။

ထို၄ထပ်ဆောင်ပြီးစီး၍ ကျောင်းသို့သွားရောက်ကြည့်ရှုသည့်အခါတွင် ကျောင်းသားများ တိုးတက်များပြားလာသည့်အပြင် အပေါ်ဆုံးထပ်ရှိ ဘုရားရှိခိုးဆောင်မှာလည်း အခန်းများကာရံပြီး ကလေးများ စာသင်ကြားနေသည်ကို တွေ့ရသည်။ သာသနာ့မာမကကျောင်းတွင် ကျောင်းသားဦးရေ အလွန်ပင် တိုးတက်များပြားလာသည့်အတွက်ကြောင့် ကွန်ပျူတာများလဲ ဆက်လက်လှူဒါန်းခဲ့ပါသည်။