မဟာဒီပဝံသကျောင်း

Date of Project : 2016
Project Type : ကျောင်းဆောင်ဆောက်လုပ်ခြင်း
Location : ကျွန်းကြီးရပ်ကွက်၊ အပြင်ပဒံ၊ လှိုင်သာယာမြို့နယ်။
Categories : ၆ခန်းပါ၂ထပ်စာသင်ဆောင်

About Project

မဟာဒီပဝံသကျောင်းသည် ရန်ကုန်မြို့၊ လှိုင်သာယာမြို့နယ် အပြင်ပဒံရွာတွင် တည်ရှိပြီး ကျေးရွာမှာအလွန်ပင်ဆင်းရဲပါသည်။ ထိုကျောင်းနှင့် အတော်ဝေးဝေးတွင် အစိုးရကျောင်းလည်းရှိသည်။ ကလေးများသည် ထိုကျောင်းတွင် မူလတန်းအောင်ပြီးသည့်နောက် ကျောင်းဆက်မတက်ကြတော့ဘဲ ကြုံရာကျပမ်း အလုပ်များကိုလုပ်ကြရသည်ဟု သိရသည်။ ထိုကလေးများ၏ ပညာရေးရရှိမှုအခြေအနေ ဆိုးရွားလွန်းသည့်အတွက် ဆရာတော်သည် ကလေးများကျောင်းလာတက်အောင် နေ့လည်စာထမင်းကျွေးမွေးပြီး  ပညာသင်ကြားပေးနေခြင်းဟု သိရသည်။ ထိုကျောင်းတွင် ကောင်းမွန်သော ကျောင်းဆောင် တစ်ခုမှမရှိသည်ကို တွေ့ရသည်။  ကိုရီးယားနိုင်ငံတွင် အလုပ်လုပ်ကိုင်နေသော မြန်မာတစ်ဦးက ဆောက်လှူထားသည့် ကျောင်းဆောင်လေးတစ်ဆောင်သာရှိပါသည်။ ထိုကျောင်းဆောင်သည်လည်း နှစ်အလွန်ကြာပြီး ဟောင်းနွမ်းနေပြီဖြစ်သည်။

ဆရာတော်သည် မူလတန်းကလေးများအား အလယ်တန်းအဆင့်အထိ ပညာသင်ကြားပေးလိုသည့် အတွက် ပန်းသီးဖောင်ဒေးရှင်းအား ကျောင်းဆောင်လျှောက်ထားလာခဲ့သည်။ ကျောင်းဝန်းသို့ သွားရောက်လေ့လာကြည့်ရှုသည့်အခါ ဆောက်လုပ်လှူဒါန်းရန်မြေနေရာသည် ရေဝပ်နေသည့် ဓနိတောကြီးဖြစ်နေသည်ကို တွေ့ရပါသည်။ ဆရာတော်သည် ထိုကျောင်းဆောင်ဆောက်လုပ်မည့်မြေနေရာအား ကျောင်းဆောင်ဆောက်လုပ်ရန်အသင့်မြေနေရာအဖြစ် ဆောင်ရွက်ပေးခဲ့သည်။ ဤသို့ဖြင့် စာသင်ခန်း၆ခန်းပါ ၂ထပ်ကျောင်းဆောင်ကို ဆောက်လုပ်လှူဒါန်းဖြစ်ခဲ့ပါတော့သည်။

Project Location