About Project

ဓမ္မိကာရာမကျောင်းသည် စပါးစိုက်သောလယ်ကွင်းထဲတွင် တည်ရှိသည်။ အနီးအနားဝန်းကျင်မှ ကျေးရွာ( ၇ ) ရွာခန့်သည် စပါးစိုက်ပျိုးသောလုပ်ငန်းဖြင့် အသက်မွေးကြပြီး ချို့တဲ့နွမ်းပါးသူများဖြစ်ကြသည်။ အစိုးရကျောင်းသို့ သွားတက်ရောက်ရန်အတွက် ရွာမှ အချိန်နှစ်နာရီ ခန့်သွားရပြီး အနီးနားတဝိုက်တွင်လည် အစိုးရကျောင်း တစ်ကျောင်းနှင့် ဘက ကျောင်းနှစ်ကျောင်းသာရှိသည်။

ထိုကျောင်းသည်  KG မှ ( ၇ ) တန်းအထိ သာရှိပြီး ၂၀၁၅ ခုနှစ်တွင် ဂျပန်ဖောင်ဒေးရှင်းအဖွဲ့မှ အခန်း ( ၄ ) ခန်း လှူဒါန်းခဲ့သည်။ ကျောင်းသားဦးရေ ( ၂၃၀ ) ခန့်ရှိပြီး ထိုအခန်းများတွင် ( ၄ တန်း ) ( ၅ တန်း ) ( ၆ တန်း ) ( ၇ တန်း ) အတန်းများကိုသင်ကြားသည့်အတွက် ကျန်အတန်းမှကလေးများသည် နှစ် ( ၇၀ ) ခန့်က ဆောက်လုပ်ထားသည့် ဟောင်းနွမ်းနေသည့် အဆောက်အအုံထဲတွင် သင်နေကြရသည်။ အခန်းများသည်လည်း အကာအရံမရှိ  သည့်အတွက် တစ်တန်းနှင့်တစ်တန်း အသံများ အနှောင့်အယှက်ဖြစ်ရသည်။ ထို့အပြင် ထိုအဆောက်အအုံမှာ   ဟောခန်းလည်းဖြစ်သည့်အတွက်  ရွာမှတရားပွဲ၊ ဘုရားပွဲများရှိသည့်အခါ ကျောင်းသားလေးများ ဖယ်ရှားပေးရသည်။

ဆရာတော်သည် သန့်ရှင်းရေးအကြံကောင်းရှိပြီး ကျောင်းသားလေးများကိုလည်း အမှိုက်ထားသိုနည်း ၊ ထိန်းသိမ်းနည်းနှင့် ပတ်ဝန်းကျင်သန့်ရှင်းရေး လုပ်နည်းများကိုလည်း သင်ကြားပေးထားသည်။ ထိုကဲ့သို့ အလားအလာကောင်းသောကျောင်းကို စာသင်ခန်းလုံလောက်ပြီး အဆင်ပြေစွာ ပညာသင်ကြားခွင့်ရရှိနိုင်ရန် အတွက် စာသင်ခန်း ( ၄ ) ခန်း လှူဒါန်းပေးခဲ့သည်။