About Project

အောင်ဇမ္ဗူကျောင်းသည် စာသင်ကျောင်းဆောင်အတော်များများ ရှိသော်လည်း ယောင်္ကျားလေး အိပ်ဆောင်မှာ ဓနိမိုးထရံကာဖြစ်ပြီး မိုးများယိုနေသည်ကို တွေ့ခဲ့ရသည်။ ထို့ကြောင့် ယောင်္ကျားလေး ( ၂ ) ထပ်အိပ်ဆောင် တစ်ဆောင်နှင့် ယာယီစာသင်ကြားနေသော ဓနိမိုးထရံကာ မြေနေရာတွင် ( ၂) ထပ်စာသင်ကျောင်းတစ်ကျောင်း စုစုပေါင်း နှစ်ဆောင်ကို လှူဒါန်းခဲ့သည် ။

ထိုကျောင်းဆောင်များပြီးစီး၍ ကျောင်းသို့သွားရောက်သောအခါ ကျောင်းအိပ်ကျောင်းစား မိန်းကလေးများကို တွေ့ရပြန်သည်။ ထိုမိန်းကလေးများမှာ အနီးပတ်ဝန်းကျင်မှ ရှိကျေးရွာများမှ ပညာကိုဆုံးခန်းတိုင်အောင် သင်ကြားလိုသည့် မိန်းကလေးများဟုသိရသည်။

ထို့ကြောင့်လည်း ပညာရေးဆုံးခန်းတိုင်အောင်သင်ကြားလိုသည့် မိန်းကလေးများကို ထပ်မံ လက်ခံနိုင်ရန်အတွက် မိန်းကလေးအိပ်ဆောင်တစ်ဆောင်ကို ထပ်မံလှူဒါန်းခဲ့သည်။

ထိုမိန်းကလေးအိပ်ဆောင်မှာ အခြားအိပ်ဆောင်များနှင့်မတူဘဲ သီးသန့်ကာရံထားသည့် အခန်းများ ၊ စာကျက်မှတ်လေ့လာနိုင်သည့် လျှောက်လမ်းများပါပါရှိသည်။ ထို့ပြင် ကလေးများကွန်ပျူတာသုံးစွဲခွင့် ရရှိနိုင်စေရန်အတွက် ကွန်ပျူတာများကိုလည်း လှူဒါန်းခဲ့သည်။