အောင်မင်္ဂလာကျောင်း

Date of Project : 2016
Project Type : ကျောင်းဆောင်ဆောက်လုပ်ခြင်း
Location : ညောင်ကျေးရွာ၊လှိုင်သာယာမြို့နယ်။
Categories : ၅ခန်းပါ ၃ထပ်+၉ခန်းပါ၃ထပ်+ကွန်ပျူတာခန်း

About Project

အောင်မင်္ဂလာကျောင်းသို့ ၂၀၁၄ခုနှစ် ပထမဦးဆုံးအကြိမ်ရောက်ခဲ့စဉ်က ကျောင်းသည် မူလတန်းကျောင်း တစ်ကျောင်းသာဖြစ်ပြီး ကျောင်းဆောင်အဟောင်းတစ်ခုထဲတွင် စာသင်ကြားနေကြသည်ကို တွေ့ရှိခဲ့ရသည်။ ကျောင်းအုပ်ဆရာတော်သည် သက်တော်ငယ်ရွယ်သော်လည်း ကျောင်းအား ကောင်းမွန်စွာစီမံခန့်ခွဲဦးဆောင်နိုင်သည်ကို တွေ့ရသည်။ ဆရာတော်၏ ရေရှည်စီမံကိန်းမှာ ၃ထပ်အဆောက်အဦတည်ဆောက်ပြီး အလယ်တန်းအဆင့်အထိ ကလေးများအား ညာသင်ကြားပေးမည် ဆိုသည့်အကြောင်းကို ယုံကြည်မှုအပြည့်နှင့် ရှင်းပြသည်ကို သိရှိခဲ့ရသည်။

၂၀၁၅ခုနှစ်တွင် ဆရာတော်သည် ၎င်း၏ရေရှည်စီမံကိန်းဖြစ်သော ၃ထပ်ကျောင်းဆောင်ကို ရရှိသည့် အလှူငွေဖြင့် ကိုယ်တိုင်ဦးစီးပြီး စတင်ဆောက်လုပ်ခဲ့သည်ကို တွေ့ရှိခဲ့ရသည်။ ဒုတိယထပ်အပြီး၌ အလှူငွေရရှိနိုင်မှု အခက်အခဲကြောင့် ပန်းသီးဖောင်ဒေးရှင်းကို ဆက်သွယ်ပြီး အကူအညီတောင်းခံခဲ့သည်။  ယုံကြည့်မှုအပြည့်ဖြင့် ကြိုးစားဆောင်ရွက်နေသည့် ဆရာတော်ကိုကြည့်ပြီး ၃ထပ်ဆောင် အပြီးသတ် ဆောက်လုပ်နိုင်ရန်အတွက်  လှူဒါန်းခဲ့ပါသည်။

၂၀၁၈ ဇူလိုင်တွင် ကျောင်းသား၇၀၀ကျော်အထိ တိုးတက်လာသောကြောင့် စာသင်ဆောင်ထပ်မံ လိုအပ်လာပြန်သည်။ ထို့အတွက် ဆရာတော်သည် ၉ခန်း ၃ထပ်တိုးချဲ့ဆောင်တစ်ခုအား ထပ်မံဆောက်လုပ်ရပြန် တော့သည်။ ထိုအောင်မင်္ဂလာကျောင်းသည် ဆရာတော်သည်လည်း ကလေးများအတွက် ကြိုးစားသလို၊ ဆရာ/ဆရာမများ ကလည်း စာသင်ကောင်းပြီး၊ ကျောင်းသားမိဘတွေကလည်း စိတ်ပါဝင်စားစွာ တတ်နိုင်သမျှ ဝိုင်းကူကြသည်ကို တွေ့ရသည်။ ထို့ကြောင့် တိုးချဲ့၃ထပ်ဆောင်  ပြီးစီးသည်အထိ လှူဒါန်းခဲ့ရုံမက ကွန်ပျူတာ၃၁လုံးကိုပါ လှူဒါန်းခဲ့ပါတော့သည်။

Project Location