About Project

စန်းသီတာသီလရှင်ကျောင်းသည်  သီလရှင်ကျောင်းအများအပြားရှိသော သီလရှင်ကျောင်း အဝန်းအဝိုင်းထဲမှ ကျောင်းတစ်ကျောင်းဖြစ်သည်။ ထိုကျောင်းတွင် ၅နှစ်ကြာသည်အထိ ဆောက်လုပ်၍မပြီးသေးသော ကျောင်းဆောင်တစ်ဆောင်ရှိပြီး KG မှ Gread 4 ထိ ပညာသင်ကြားပေးနေသော ကျောင်းလည်းဖြစ်သည်။ မူလတန်းလွန် သီလရှင်ကလေးများကို အခြားအစိုးရကျောင်းသို့ပို့ကာ ပညာသင်ကြား ပေးနေသည် ဟုလည်းသိရသည်။ ထိုကျောင်းတွင် ဆောက်လက်ဆဲ ၃ထပ်ကျောင်းဆောင်သည် ၂ထပ်အထိသာ ပြီးစီးပြီး မိုးရွာသောအခါတွင် မိုးများယိုစီးကျနေသည်ကိုလည်းတွေ့ခဲ့ရသည်။ စန်းသီတာကျောင်းတွင် မိမဲ့/ဘမဲ့၊ မိဘမဲ့ကလေးငယ်များ စွန့်ပစ်ခံကလေးငယ်များ များစွာရှိပြီး အငယ်ဆုံးမှာ ၄နှစ်အရွယ်ထိရှိသည်။ ထိုသို့ ကလေးများကို ပြုစုပျိုးထောင်ပြီး စေတနာအရင်းခံနှင့် ကြိုးစားနေကြသောကြောင့် ဆောက်လက်စ ၃ထပ်အဆောက်အဦအား အပြီးသတ်အောင် ကူညီလှူဒါန်းပေးခဲ့သည်။

ထိုကျောင်းဆောင်ပြီးမြောက်၍ သွားရောက်ကြည့်ရှုသောအခါ ၃ထပ်အဆောက်အဦးတွင် ၂ထပ်မှာ စာသင်ခန်းအဖြစ်အသုံးပြုပြီး အပေါ်ဆုံးထပ်တွင် သီလရှင်ကလေးများ အိပ်ဆောင်အဖြစ် အသုံးပြုသည်ကို တွေ့ရှိရသည်။ သီလရှင်အိပ်ဆောင်အတွင်းရှိ သီလရှင်ကလေးငယ်များအား အိပ်ဆောင်အတွင်း နေထိုင်ရ သည်မှာ အဆင်ပြေချောမွေ့မှု ရှိ/မရှိ မေးမြန်းကြည့်ရာ ၎င်းတို့အနေဖြင့် လျှပ်စစ်မီးကောင်းစွာ မရရှိသောကြောင့် ညဘက်တွင် များစွာစိုးရိမ်ပူပန်ကြရကြောင်းကို သိရှိရသည့်အတွက် လျှပ်စစ်မီးတပ်ဆင်နိုင်ရန်ထပ်မံ လှူဒါန်းခဲ့ပါသည်။